Walang bata ang hindi nag nanais na tumakbo sa ilalim ng mga ulap kasama ang mga kaibigan. Lahat ng bata ay nais maglaro ng habulan, patentero, o di kaya tagu-taguan kasama ang ibang bata.
Parte ng pagiging bata ang makaranas ng mga bagay na ito, ang tumakbo, madapa, bumangon, at tumakbong muli. Subalit, paano kaya kung ikaw ay isang bata na hindi kayang tumakbo o lumakad gamit ang iyong mga paa?
Unang ipinakita sa KMJS ang istorya ng batang si Ralph, 10 taong gulang mula sa Davao Oriental. Siya ay naglalakad hindi sa pamamagitan ng mga paa kundi kamay.
Sabi ng kaniyang ina, hindi raw nila tinuruan ang bata na maglakad gamit ang kamay, pag tungtong niya daw ng 3, kaniyang kusang ginamit ang mga kamay sa paglakad.
Ayon kay Ralph, naiingit daw siya sa ibang bata na kayang maglakad at tumakbo, Siya ay nawalan na rin daw ng ganang mag-aral dahil tinutuks0 ito ng ibang bata na lump0.
Courtesy: GMA Network
Hindi lamang ito ang pinagdadaanan na hirap ng bata dahil sila ay mahirap din at minsan ang tanging ulam ay kape o asukal lamang.
At kahit mayroon itong kapansanan, siya ay tumutulong parin sa kaniyang pamilya sa pamamagitan ng pagtatrabaho sa kanilang maisan.
Courtesy: GMA Network
Kahit nawalan na ng ganang mag-aral si Ralph, hindi parin daw siya nawalan ng pag-asa na makalakad muli at maging Abogado sa hinaharap. Si Ralph ay marami pang pangarap para sa kaniyang sarili at pamilya at hindi hadlang sa pagtupad dito ang kaniyang kapansanan.
Courtesy: GMA Network
Hindi lahat ay mayroong normal na buhay, minsan ang iba ay mayroong kakulangan tulad ni Ralph, ngunit na sa sa atin ito kung paano natin tatanggapin at pagagaain ang ating buhay.
Maswete tayo dahil kaya nating maglakad o tumakbo ng normal, kaya dapat marunong tayong pahalagaan ang kung ano ang mayroon tayo dahil hindi lahat ay normal.
