Naging viral sa mga social media ang reaksyon ni James Reid sa prank call ni Billy Crawford para sa isang segment ng noontime show.
Sa isang episode ng Lunch Out Loud (LOL) ng TV5, tinawagan ni Billy ang kanyang matagal nang kaibigan na si James para magtanong kung pwede ba siyang mangutang ng malaking halaga ng pera.
“Iiwan niya ba ako sa ere o mahal ako ng kapatid kong si James Reid?” pangunang sabi ni Billy sa audience.
Humirit naman ang kanyang co-host na si Ariel Rivera na “kapag pumayag siya, uutang din ako”.
Sinimulan ni Billy ang tawag niya kay James sa pangangamusta at pagbati sa matagumpay na launch ng album ni Nadine Lustre.
Sunod na tumuloy si Billy sa kanyang prank. Ang set-up ay hihiram siya ng malaking pera kay James dahil maririmata na ang kanilang bahay.
“Listen, James. I hate to do this to you, bro. I’m in a major major bind right now. I have a big problem. I’m really embarrassed, sorry bro.” ang sabi ni Billy.
Dinagdagan pa niya ang pagdra-drama para hindi mahalata ni James na prank call ito.
“I’m a bit stressed out and I’m in need of help. Since the whole pandemic thing started, we’re all trying to move on and do our thing. But the problem is, for the longest time, six seven months, I haven’t made any money whatsoever, right?
“So obviously, you know where this is going bro, I’m about to lose my house.”
Napa-“no way” na lang si James nang malaman niya ang sitwasyon ni Billy.
“I need you, bro. Are you good if I can like, borrow, let’s say, in advance of five million?”
Ang reply ni James: “Okay, right now, my situation is most of my money is in Australia so I have about — here with me.”
Naka-censor kung magkano ang pera ni James. Gulat na gulat naman ang mga co-host ng LOL nang marinig nila ito.
“I’m willing to help. No problem. I’ll get back to you. I just can’t leave where I’m at right now,” sabi ni James.
Sunod-sunod pa rin si Billy sa pagbabasa ng kanyang script. Dagdag pa niya na hindi alam ng kanyang asawa na si Coleen Garcia ang pinansyal na problema ni Billy dahil kapapanganak pa lamang niya.
“Will you be able to do like really quickly, maybe less than a week, like 2.5 o 3 million at least or whatever you can?”
Tinanong din ni Billy kung pwedeng pahiramin siya ni James ng sasakyan at ibebenta niya ito. Hindi nag-react si James sa kanyang tanong. Ang sabi lang niya, “let me transfer you how much I have in my bank right now… How am I gonna send that to you?”
Sa wakas, inamin na rin ni Billy ang big reveal.
“Wait, let me try to figure this out. I can actually just text you the bank account so you can either wire transfer it or you can actually just sit down or relax because this is a prank call, my bro! Na-LOL ka, James Reid!”
“Billy…oh my god. That’s how much I love you, bro!” Tawang sabi ni James.
Ani ni Billy, naisip niyang i-prank call si James dahil alam niyang hindi siya iiwanan mag-isa kapag may problema. Pagkatapos ng kanyang prank, naglabas ng appreciation post si Billy sa kanyang Instagram story:
“It’s not about willing to lend money. It was about the real concern of a true friend. That, I respect and I admire! You’re blessed for a reason, my brother! Love you my dawgs!”
